كتبت / نيرمين وجدى
تعاطى نشطاء موقعي التواصل الاجتماعي «فيس بوك وتويتر»، مع هاشتاج «تجنيد البنات»، للسخرية من شائعة تجنيد الفتيات في الجيش، التي انتشرت على صفحات مواقع التواصل الاجتماعي، بالرغم من توضيح غادة والي وزيرة التضامن الاجتماعي أن قرار تجنيد البنات في الخدمة العامة والوزارات المختلفة وليس بالجيش.
وقد تصدر هاشتاج «تجنيد البنات» تراند مصر على تويتر، حيث انطلقت معه تعليقات المتهكمين على الشائعة.
علشان خاطرى
قال عادل مصطفى :« يا فندم ممكن إجازة.. =لا.. طيب وعشان خاطري»، وعلق عامر الديب:«عسكري سارة !.. = أيوه يا بيبى.. -طب دى أديها أوامر ولا حضن»، ورد علاء كاستون:«لو بيحبك بجد هيستناكي لما تخلصي جيش».
وتابع عثمان المذبهل: «كله على الله احنا بنجتهد وبنفكر ازاى هتحلقوا ميرى».
وقال ايمن عبدالرؤوف : «طيب خلينا متفقين ان نص بنات مصر هتاخد رفد طبي جراحة وهيتصلوا بأبوهم يجي يستلمهم من التجنيد»، وأضافت سهام النمر:«-مالك يا عسكري فولانة؟.. =مليش يا فندم ما أنت لو مهتم كنت عرفت لوحدك».
مش هلبس زيها
وقالمرتضى عزام :«الآي لاينر لايزال في جيبي»، وأضافت خلود محمود: «مالك يا عسكري خلوود!؟؟.. =لا مهو يا فندم أنا مش هلبس نفس الطقم اللي سارة لبساه لو حصل إيه»، وعلق رفعت: «عسكري سارة طبعًا مش هيعرف يحارب في الشمس عشان الآي لاينر ما يسحش».
وتابع منتصر :«خناقة على أقلام الكحل في عنبر ٦ يا فندم»، وقالت زهرة بيسان: «تجنيد البنات موافقة بس بشرط يكون في مكان على بحر وميكونش فيه صراصير ولا فئران ويكون لينا يوم في الأسبوع أوبن داي».
