خواطر …وخلجات قناة الجزيرة…وحكّامها !!!

بجد إحنا مصر طب إنتم مين
أجدادنا مصريين ومن اّلاف السنين
إحنا إللى صنعنا المجد بإيدينا
وإنتم فى الصحارى مش هنا وتايهين
طب إحنا اللى بنينا الأهرامات
وإنتم فى الخيام كده يادوب نايمين
بلدنا زارها ألأنبياء والصالحين
زوّاركم مين غير المنافقين الكدّابين
إحنا شعب مصرالمؤمنين الصابرين
كلنا كده ناس طيبين ومسالمين
كلنا أمه واحدة معا أقباط ومسلمين
إحنا دم واحد والتاريخ بيقول أمين
ما إحنا إللى علّمناكم إزاى تسطّروا
بالقلم أو حتى ترفعوا العلم فاكرين
أحنا مصريين وجيشنا وطنى بجد
إنتم بقى بالذمه جيشكم فين ولّا مين
حكّامكم بس فى ألإنقلاب على بعضهم
هوّه ده للأسف اللى فيه فالحين
إنتم مين تاريخكم إمتى إبتدأ ومنين
حتّى أبطال الرياضه عندكم متجنّسين
عرفتم بقى إنتوا مين وإحنا مين
يابتوع قناة الجزيره ولّا لسه مغيّبين
مصرنا فاتحه أبوابها لكل أحبابها
وإنتم فاتحينها لكل العملاء والخائنين
فهمتم بقى إنتم مين وإحنا مين
ولّا نعيد الكلام من تانى لو لسّه مش فاهمين .