الحدث المصرىالصحة والمراة والجمال

حاجات بسيطة .. تسهل عليكى الشغل فى المطبخ

كتبت / شيماء مصطفي 

هناك بعض الاشياء البسيطة التى يمكن ان تفعلها ست البيت  تسهل العمل كثيرا داخل المطبخ ومنها ما يلى : 

1 ضعى ساعة أو منبه صغير فى مطبخك
علشان الوقت مياخدكيش ويضيع عليكى مثلا ميعاد الصلاة أو ميعاد وصول زوجك

2ضعى صابونة فى المطبخ لغسل يدك بدل ما تروحى وتيجى كل شوية للحمام

3لاتنسى أن تضعى على الثلاجة ورقة بالأذكار وتقوليها وانت بتشتغلى لاستفادة من الوقت وتاخدى ثواب

4ضعى كل الأدوات والمنظفات عندك في المطبخ وإذا كنت مش عايزة تشترى الحاجة مرتين للحمام والمطبخ ممكن تقسمى الصابون مثلا أو الكلور زجاجتين واحدة فى المطبخ واحدة فى الحمام

5ضعى ورقة وقلم فى المطبخ لتكتبى كل ما ينقصك بسهولة أى حاجة انت محتاجها دونيها على طول علشان متنسيش

من خبراتى فى المطبخ :

1 لاتضعى الليمون على رخام المطبخ مباشرة لأنه هييتسسب فى بقع بيضا على الرخامة كمان البرتقال والخل أى شى حمضى

2 طبعا احنا بنقضى ساعات طويلة فى المطبخ مفيش مانعإانك تزينى المطبخ علشان يفتح نفسك حتى ولو كان صغيرة بفازة أو اكسسوارات للمطبخ زى شوكة أو فواكه

3 لو عندك معالق كتير شليها فورا وضعى فى الصفاية على قدكم

4 حاجة عايزة أقول لكم عليها ممكن ساعات المية تقطع فجأة ويكون حد فى الحمام أو عايزة تعملى حاجة ضرورى لازم تحتفظى بجركن ماء وخصوصا لو عندك أطفال

5 لو تلاجتك فى المطبخ غطيها من فوق بمشمع أو فويل أو كلينج فلم علشان متزيتش ويصعب تنظفها

6 من الحاجات اللى بتعمل فوضى فى المطبخ الأكياس البلاستك أى كيس غير نضيف تخلصى منه فورا لأن وجوده بيساعد على وجود الحشرات

7 لوفى أكياس نظيفة مفيش مانع تحتفظى بيها بعد ما تطبقيها كويس وتشليها فى كيس كبير أو علبة أو درج

8 أنا بحتفظ بأطباق الفويل بتكون فيها الجبن لو نظيفة ( يعنى ميكنش فيها لحوم وفيها دم ) أطباق الجبن الحلاوة أغسلها وأنشفها واضعها فى داخل بعضها وكيس بلاستك علشان متعملش فوضى واستخدمها لما أتبل لحوم أو بانيه أو كفتة

9 فى بعض الأشياء زى البقسماط أو الردة أو الفريك بتسوس لو اتخزنت حتى وإن كان وقت قصير بضعها فى برطمان واحفظها فى الثلاجة

10 نيجى لحاجة فى المطبخ خاصة بيكى انت مريلة المطبخ لازم المريلة طبعا علشان تحمى هدومك بنصحك إنك تشترى مريلة شيك وجميلة لأنك بتقضى بيها وقت طويل وممكن زوجك يشوفك بيها لا مش ممكن دة اكيد فلازم تكونى جذابة حتى فى المريلة

1 لازم لازم المريلة تتغسل كل ماتتوسخ وتكون رحتها حلوة
2 خلى عندك أكتر من مريلة علشان لو غسلتيها أو جالك ضيف وحب يساعدك أو زوجك
(فى الاحلام طبعا) محدش يتتحجج إن هدومه هتتوسخ لو اشتغل معاكى

3 لا تستخدمى مريلة وشها بلاستك وانت واقفة أمام النار لأنها بتنقل الحرارة

4 ممكن تغسلى المريلة على ايدك بماء وصابون أو تضعيها فى الغسالة بعد ما تطبقيها وتضعيها فى كيس الشربات برضو علشان متختلطش بالغسيل ضعي اي كلمه لتصل كل ماهو جد

print
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى