تحقيقات وتقارير

بالصور : عايز تشرب قهوة ولا نسكافيه .. “كلام رجالة ع القهوة التركي” بالتجمع الخامس

كتب / صافيناز مصطفي
شباب يصنعون القهوة والمشروبات الساخنة بالطاقة الكهربائية، في التجمع الخامس، يرفضون الاحباط والشغل مش عيب.
يعاني الكثير في بلدنا من ظروف اقتصادية متقلبة وصعبة ، وارتفاع الأسعار ، ويعاني الشباب بصفة خاصة من عدم اتاحة فرصة عمل مناسبة وينتظر البعض للبحث عن وظيفة خاصة في مؤسسات أو دخل ثابت، وهناك نماذج من الشباب تحاول ايجاد فرصة عمل أو مشروع خاص للقضاء علي حالة الإحباط وقلة فرص العمل.
والتقينا بالصدفة في احدي مناطق التجمع الخامس بسيارة ملاكي متوقفة ظنناها في حالة عطل ، ولكن عندما اقتربنا وجدنا صاحبها يقول “اتقضلوا” “قهوة ولا نسكافيه” وقررنا معرفة سر الحكاية
يروى أياد نصار أخصائي ،فني بصريات وفني الكترونيات ، ل ” الحدث ” وأخوه المهندس مازن نصار ، ومحمد السعدني ثلاث شباب مصري يصنعون القهوة التركي والنسكافية ومشروبات ساخنه وبعض المخبوزات والحلوي في سيارتهم الخاصة ، ومعاملة في منتهي الشياكة والاحترام للناس واقبال من الزبائن والسيارات تتوقف علي الطريق.
قال أياد نصار في ظروفنا دي صعب انتظر وظيفة ثابته قررنا نشتري mashinn، ونعمل للناس جميع المشروبات علي الطريق واعتبرناها مشروع لينا في بدايته.
وأكد احنا لو قعدنا مش هنحقق حاجة وعندنا التزمات مادية ومحتاجين نثبت نفسنا،وكان عندنا مشروع الكترونيات وأجهزة كمبيوتر ولكن الظروف الأقتصادية وارتفاع الإيجارات خلانا فكرنا نعمل مشروع يساعدنا لأننا أسرة فيها أخوات كثير وعيلة كبيرة شباب وبنات.
وأضاف مازن نصار أنا بكالوريوس هندسة ، وعندي 35 سنه ومتزوج وعندي أطفال وتكاليف الحياة صعبة ، “والشغل مش عيب”، والوقوف في الشارع مش حاجة تحرج ده شغل وعمل وكمان الناس بتستجيب وفيه ناس محتاجة في الجو ده مشروبات دافئة والقهوة بتتعمل بطريقة معينة وكمان فيه مشروبات ثانية.
والمشروع في بدايته أول 33 شهور كنت محبط ولكن الحمد لله دلوقتي فيه دخل وبمساعدة أخويا أياد ومحمد بنوزع مشروبات علي الناس والعربيات بتقف عندنا وتنتظر واتعودنا علي الوقفة ، ونتمني وجود أي ترخيص ومش معتررضين علي أي شكل قانوني.
وأضاف مازن احنا بنشغل مكنه القهوة بالكهربا واستغلال الطاقة في العربية لصنع المشروبات وتحضيرها، ومستعد لمساعدة أي شاب بأي امانيات لعمل المشروع في أي مكان، واحنا بنيجي من حدائق القبة والموضوع مش صعب .
وقال محمد السعدني الشاب الثالث انا تخرجت من سياحة وفنادق ومن أكاديمية 66 أكتوبر للطهي ، واشتغلت في الساحة في شرم الشيخ ولكن الظروف بقت صعبة وشغل المطاعم دخله ضعيف لا يكفي التزماتنا ، وعمل القهوة والمشروبات للناس في الشارع فكرة ومشروع جيد ونتمني المشروع يكبر ونطوره . 

تصوير ( محمد كمال )

15977740_1848805578669865_3692223820264980284_n 16106029_1848805802003176_4727841964397405637_n 16114399_1848806068669816_5739687994441777100_n 15977740_1848805578669865_3692223820264980284_n 16106029_1848805802003176_4727841964397405637_n 16114399_1848806068669816_5739687994441777100_n 16142375_235251440256920_1678204655907238398_n

print
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى