تحقيقات وتقارير

السيسى : انا مش هدوم فى حكم مصر .. وضبطنا الف طن متفجرات وملايين الدولارات فى سيناء

كتب / عاطف السيد

قال الرئيس عبد الفتاح السيسى، انه لم ياتى للحكم ليؤسس تخليدا وبقاءا فيه ، مضيفًا ” كل الدنيا عملت إجراءتها سواء بقصد أو بدون قصد لإثارة الناس فى 11/ 11 عشان يضيعوا البلد دى.. مش عشانى أنا، انا مش نظام، أنا الناس اختارونى، والمصريين فهموا ده وحافظوا على بلدهم ومتحركوش”.

حجم الخسائر

وأوضح السيسى، خلال مداخلة هاتفية لبرنامج “كل يوم”، على فضائية “on E“، مع الإعلامى عمرو أديب، “التحدى كان كبير ليه؟، لأن انتو اللى اخترتوا يا مصريين، الدنيا كلها فى منطقتنا كانت بتتحرك فى اتجاه، وكان فيه تصور معين بيتنفذ وأنتو قلتوا لأ مش هيتنفذ عندنا فى مصر، والدولة فيها 90 مليون قالوا لا إحنا مش هنعمل ده”، 

 مواجهة الارهاب

وردًا على سؤال الإعلامى عمرو أديب، حول نجاح الأمن فى مواجهة الإرهاب بسيناء، قال السيسى :” أيوة إحنا ناجحين لغاية دلوقت، وفعلا المعدلات تراجعت بشكل كبير، وتصور واحنا بنعمل ده، احنا فى حراك مستمر”

مضيفا ، ” فقد طلب من المصريين يوم 24- 7- 2013 مواجهة الإرهاب والعنف المحتمل، مضيفا “الناس فى الوقت ده، قالوا هيحصل إيه يعنى، وطبعا نزلوا وكان فيه تفويض، وكان الهدف منه إنى أقولهم إن هناك حجم تحدى هتشوفوه مش فى يوم ولا شهر ولا سنة، دا فى سنوات، وهيبقى فى التحدى كلفة كبيرة جداً، ليست مالية ولكنها زى ما بتشوفوا كده من أولادنا، أرواح وخسائر ثم بعد ذلك الكلفة المالية التى تتكلفها الدولة المصرية على مدى 3 سنوات ونصف”.

وواصل السيسى استعراض الجهود المبذولة لمواجهة الإرهابيين فى سيناء، قائلاً: ” مواجهة الإرهاب ليه تكلفة كبيرة وما بينتهيش فى يوم، والدولة بتحشد موارد كبيرة على فرضية واحتمال، إنت فى سيناء بقى بتواجه مخطط وأهل الشر اللى بتمول، الأموال اللى تم ضبطها فى خلال الـ 3 شهور اللى فاتوا ملايين من الدولارات والجنيهات، ألف طن متفجرات، على مدى الـ 3 سنين اللى فاتوا تم تفجير آلاف المخازن اللى فيها متفجرات من سنوات كتيرة”.

25 الف جندى فى سيناء

وقال الرئيس، إن هناك 41 كتيبة تعمل في سيناء، بمعنى أكثر من 20 أو 25 ألف ضابط ومجند، يحتاجون للتدريبات وإجازات وطعام، وهذا جزء واحد في سيناء، فما بالك بباقى الدولة، وحدودنا الغربية، مضيفا أن حجم كبير من الموارد تم حشده لهذه المواجهة، مضيفا “هذه فرصة لنسمع هذا الكلام”

اهل الشر

وحول مصطلح أهل الشر الذى يردده الرئيس كثيرًا فى خطاباته، وماهيتهم، قال السيسى : “الرئيس لما يتكلم مش كل حاجة يقولها للناس، ومهم جدًا إننا ننظر إلى النسق الذى يتم فيه تداول البيانات والمعلومات، والناس عارفة من غير بيانات حجم التحديات، اللى بتقف قدامه جداً ودايماً بقولهالكم.. وحدتكم إنتم يا مصريين، وكل اللى أنتوا شوفتوه فى الـ 3 سنين اللى فاتوا بيدهش العالم كله، ومينفعش نقول أسماء دول على الهوا

حق الشهداء

وفى معرض حديثه مع الرئيس عن حق شهداء الإرهاب، وجه أديب سؤاله للسيسى قائلاً: “”هتجيبلنا حقنا يا ريس”، فرد السيسى قائلاً: “هو كل ده لسه ماجبناش”.

وأردف الرئيس قائلاً: “مش انا اللى هجيبلكم حقكم، إنتوا اللى هتجيبوا الحق بالصمود وبالنجاح، المعركة مش معركة رئيس ولا حكومة ولا جيش وشرطة بس، دى معركتنا كلنا، واللى بيتعمل فى مصر بكرة تشفوه، ومش بقول كده عشان أرفع معنويات الناس”.

print
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى