احمد حسان يكتب .. لماذا لم يتم القبض على مصاصى الدماء بكوم هتيم

احمد حسان يكتب .. لماذا لم يتم القبض على مصاصى الدماء بكوم هتيم

تقرير مفصل عن تجار السلاح وما حققوه من ارباح خلال المعارك 

كوم هتيم مع المشكله الاخيره دى دخلها تقريبا ( 300 ب الية ) طبعا نوعيات مختلفه التاجر اللى جاب السلاح تقريبا كده هامش ربحه فى ادنى مستواياته ( 1500جنيه ) فى الحته يبقى اجمالى الربح حوالى 450 الف نقول نصل مليون لان كوم هتيم دخلها حوالى عشر رشاشات بجانب ال( 300 ب الية) 
نروح بقى للذخيره ودى بقى الفرخه بكشك او البيضه الدهب اللى بتبيضها الفرخه اى حاجه
كوم هتيم من سنه بالظبط هنقول ان حصل فيها عشر معارك بس وده طبعا رقم هزار مش حقيقى لان كوم هتيم من سنه كل اسبوع تقريبا مشكله
المهم هنقول عشر مشاكل بس
تعالى بقى نحسبها نقول : ( 300 ب الية ) متوسط ضرب الواحدة فيهم  حوالى 200 طلقه فى المعركه الواحده ×10 معارك مجمل المعارك الرئيسيه على مدار العام يبقى الناتج لكل بندقيه حوالى 1000 طلقه ، وباجراء عمليه الضرب هنعرف ان البنادق فى كوم هتيم ضربت 300 الف طلقه يعنى 300 زنكه وهامش ربح التاجر فى الزنكه حوالى 2000 جنيه يبقى التجار كسبو فى الذخيره بس 600 الف جنيه

نروح بقى للرشاشات او الجرنوف او المتعدد .. كوم هتيم فيها تقريبا عشر رشاشات الرشاش ده بيركبله شريط الشريط فى 100 طلقه بتدوس على الزناد فى اقل من دقيقه يبقى بخ مفيش
طب كل رشاش لو قلنا هيضرب عشر شرايط بس فى عشر معارك يعنى الف طلقه الالف طلقه ضرب عشر معارك يعنى عشر تلاف طلقه ضرب عشر رشاشات يعنى مئه الف طلقه مكسب التاجر فى الالف طلقه تقريبا 3 الاف لانه رخيص ونادر وتجار معينين اللى بيجبوه ، يعنى 300 الف فى الذخيره الخاصه بالرشاش  ، وبكده يبقى هامش ربح تجاره السلاح فى كوم هتيم على سبيل المثال
1.400.000= 600.000+300.000+500.000
طب والله ماعرفت اكتب الرقم
مليون وربعمائه الف فى عشر ايام فقط الرقم ده راح لتلات اشخاص عائد ارباح عشر تيام فاهمين يعنى اه تلات اشخاص يكسبو مليون وربعمئه الف فى عشر ايام
طبعا انا مش عايز اصدمكم واقلكم ان كوم هتيم حصل فيها اضعاف اضعاف عدد المعارك دى بس حبيت الفت انتباهكم ان صحابنا بتاع امبارح كسب تلت المبلغ ده فى عشر تيام وغيره وغيره بيبعو سلاح ويكسبو
لما ذكرنا مبلع 1،400،000 افتكرت ان الرقم ده مجمل اللى اتصرف على مشكله كوم هتيم وده خطاء لانكم قريتو البوست بسرعه

الرقم ده هامش ربح التجار فى عشر ايام وليس جملت ما تم إنفاقه من اطراف الصراع منذ بدايت الازمه على السلاح

ولو عايزين تعرفو ماتم انفاقه تعالو نحسب مع بعض 300 بندقيه متوسط سعر الواحده 17،000 يعنى 5.100.000 ده للبنادق

تيجى للرشاشات ودول تقريبا عشر رشاشات متوسط سعر الواحد 40،000
يعنى 400.000 ده للرشاشات

تيجي للذخيره
طبعا ادناكم متوسط الضرب للبنادق والرشاشات وكلكم عرفتو مجمل ما تم اطلاقه فى عشر اشتباكات فقط للبنادق والرشاشات حوالى 400.00 طلقه متوسط سعر الطلقه 15جنيه حاليا وصلت 25 جنبه حاليا المهم يبقى متوسط ما انفق على الذخيره 6،000.000

تعالو نجمع مع بعضينا
5.100.000+400.000+6.00.00=11.500.000
احد عشر مليون ونص
كوم هتيم صرفت حداشر مليون ونص فى سنه على خناقه بين عائلتين

ومن هنا جات مطالبتنا للسادة النواب اصحاب المؤتمرات بضرورة التدخل  لوقف تلك المهزلة وردع مصاصى دماء كوم هتيم عن طريق استخدام ادواتكم الرقابية التى خولها لكم القانون والدستور تحت قبة البرلمان